Slökkvistöðvar slökkviliðsins eru fjórar talsins og eru dreifðar um höfuðborgarsvæðið.  Slökkvibílar og sjúkrabílar eru staðsettir á stöðvunum í Skógarhlíð, á Tunguhálsi og í Skútahrauni.  Hver stöðvanna þriggja er mönnuð 5 - 6 mönnum allan sólarhringinn, einum stjórnanda og 4 - 5 slökkviliðs- og sjúkraflutningamönnum.  Á Kjalarnesi eru slökkviliðsmenn í hlutastarfi.  Auk þess er stoðdeildarmaður á vakt í Skógarhlíð en hann stjórnar aðgerðum úr varðstofu 112.

Skógarhlíð
Í Björgunarmiðstöðinni Skógarhlíð er aðalstöð SHS en þar eru einnig skrifstofur liðsins, Landhelgisgæsla Íslands, Neyðarlínan ohf., Slysavarnafélagið Landsbjörg og fjarskiptamiðstöð, almannavarnadeild, bílamiðstöð og alþjóðadeild ríkislögreglustjóra með aðsetur.  Slökkvistöðin var tekin í notkun árið 1966 og tók hún við af stöðinni í Tjarnargötu.  Í Skógarhlíð eru slökkvibílar, körfubíll, sjúkrabílar og búnaður leitar- og björgunarkafara liðsins.  Köfunarflokkur SHS hefur aðsetur í Skógarhlíð.















Tunguháls
Slökkvistöðin í Tunguhálsi var tekin í notkun árið 1992.  Þar eru slökkvibílar, sjúkrabílar, björgunarbátur og fjallabjörgunarbíll SHS.  Landflokkur liðsins hefur aðsetur í Tunguhálsi og geymir björgunarbúnað sinn þar ásamt björgunarbíl flokksins.  


















Hafnarfjörður 
Slökkvistöðin í Skútahrauni í Hafnarfirði var tekin í notkun árið 2002 og tók við af stöðinni við Flatahraun.  Í Skútahrauni eru dælubílar, körfubíll, sjúkrabílar, gámar og gámabílar liðsins.  Slökkvilið víða um heim eru farin að nýta kosti þess að vera með ýmsan sértækan búnað í gámum sem auðvelt er að koma á vettvang.  SHS er eitt af þeim liðum sem hafa tileinkað sér gámanotkun og gegnir slökkvistöðin í Skútahrauni því hlutverki að sjá um gámana og gámabílana.



Kjalarnes
Slökkvistöðin á Kjalarnesi er mönnuð slökkviliðsmönnum í hlutastarfi en þar er dælubíll og dælur.